Braziliyanın “Palmeyras” klubundan ayrılan Felipe Melonun yeni klubu bəlli olub. Corner.az xəbər verir ki, “Fluminense” klubu 37 yaşlı yarımmüdafiəçini heyətinə qatacaq.
Bu barədə Braziliya klubunun prezidenti Mario Bittenkur yerli mətbuata açıqlamasında deyib.
Bittenkur Melo ilə razılığa gəldiklərini və onunla birinci gün yeni müqavilə imzalayacaqlarını bildirib.
Braziliyalı futbolçu karyerası ərzində ölkəsində “Flamenqo”, “Qremio”, “Kruzeyro”, İtaliyada “Fiorentina”, “Yuventus”, “İnter”, Türkiyədə “Qalatasaray”, İspaniyada “Malyorka”, “Rasinq”, “Almeriya” kimi klublarda da çıxış edib.
