ABŞ-ın “Orlando Siti” klubundan ayrılan və hazırda azad agent olan Luiş Nani karyerasını Braziliyada davam etdirə bilər. Corner.az xəbər verir ki, 35 yaşlı yarımmüdafiəçi ilə “Fluminense” klubu yaxından maraqlanır.
Bu barədə Braziliya mətbuatı məlumat yayıb. “Fluminense”nin portuqaliyalı futbolçunun transferini yaxın günlərdə açıqlayacağı gözlənilir.
Nani karyerası ərzində İngiltərədə “Mançester Yunayted”, Türkiyədə “Fənərbaxça” kimi klublarda da çıxış edib. Hücumçu Portuqaliya yığmasında 112 oyunda 23 qol vurub.
