Macarıstan klubundan Emreli üçün 1 milyon avro

Macarıstanın "MOL Fehervar" klubu Polşa "Legiya"sında çıxış edən millimizin futbolçusu Mahir Emrelini transfer etmək istəyir.

Corner.az "SportoweFakty.wp.pl" saytına istinadən xəbər verir ki, Yüksək Liqa təmsilçisi Varşava klubu ilə danışıqları davam etdirir.

İddiaya görə, Macarıstan təmsilçisi 24 yaşlı hücumçunun keçidi üçün qarşı tərəfə 1 milyon avro təklif edib.

"Legiya" rəhbərliyinin isə Emrelini komandada saxlamaq cəhdlərinin nəticə vermədiyini bildirib. Emrelinin qış fasiləsində paytaxt klubunu tərk edəcəyi gözlənilir.

"MOL Fehervar" Macarıstan çempionatında 16 turdan sonra 26 xalla turnir cədvəlinin 4-cü pilləsində qərarlaşıb.