- Transfer
- 01:09 04.07.2026
Türkiyənin "Fənərbaxça" klubu Almaniya milli komandasının sabiq baş məşqçisi Yoahim Löv ilə danışıqlara başlayıb.
Corner.az-ın məlumatına görə, bu barədə italiyalı jurnalist Nikolo Skira tvitter hesabında paylaşım edib. O, 61 yaşlı mütəxəssisə 2024-cü ilədək müqavilə təklif olunduğunu yazıb. İstanbul təmsilçisinin qarşı tərəfin cavabını gözlədiyini bildirib.
Qeyd edək ki, Yoahim Löv 1998- 1999-cu illərdə də "Fənərbaxça"nı çalışdırıb. Türkiyə təmsilçisi isə bu yaxınlarda portuqaliyalı baş məşqçi Vitor Pereyranı istefaya göndərib.
