"Eddi İsrafilov Azərbaycandan çox yaxşı təklif alıb".Corner.az xəbər verir ki, bu fikirləri İspaniyanın "Luqo" klubunun prezidenti Tino Saques yerli mətbuata açıqlamasında deyib.
60 yaşlı funksioner baxışda olan 29 yaşlı yarımmüdafiəçi üçün gələn təklifin yüksək olduğu və Eddinin bu səbəbdən komandada olmayacağını bildirib.
İsrafilov hazırda "Neftçi" ilə danışıqlar aparır. Klubun Media, marketinq və ictimaiyyətlə əlaqələr departamentinin rəisi Rüstəm Allahverdiyev danışıqları yekunlaşdırmaq üzrə olduqlarını vurğulayıb.
Qeyd edək ki, Eddi İsrafilov hazırda klubsuzdu.O, son olaraq "Albasete"də çıxış edib.
