İngiltərənin “Everton” klubu heyətini yeni futbolçu ilə gücləndirib. Corner.az xəbər verir ki, Premyer Liqa təmsilçisi Ukraynanın “Dinamo” (Kiyev) klubundan Vitali Mikolenkonu transfer edib. Bu barədə klubun mətbuat xidməti məlumat yayıb.
Məlumatda, 22 yaşlı müdafiəçi ilə müddəti 2026-cı ilin yayına qədər olan müqavilə imzalandığı diqqətə çatdırılıb. Mikolenko yeni komandasında 19 nömrəli forma ilə çıxış edəcək.
“Dinamo”nun yetirməsi olan müdafiəçi Ukrayna yığmasının da üzvüdür.
