Buqrin Neftçi'ni Tunis klubuna dəyişir

"Neftçi" ilə yollarının ayrılması gözlənilən yarımmüdafiəçi Sabir Buqrin karyerasını Tunisdə davam etdirəcək.

Corner.az "TNS Sports"a istinadən xəbər verir ki, "Esperans" klubu 2 aydır danışıqlar apardığı 26 yaşlı futbolçu müqavilə tibbi müayinədən keçmək üçün bu ölkəyə yollanıb. Mərakəş əsilli oyunçu ilə imzalanacaq müqavilənin detalları barədə açıqlama verilməyib.

İddiaya görə, Buqrinlə hazırda Belçikanın yüksək liqasında turnir cədvəlinin lider olan "Yunion" klubu da yaxından maraqlanırdı.

Qeyd edək ki, belçikalı futbolçu 2020-ci ilin iyulundan "Neftçi"də çıxış edirdi. Onun "ağ-qaralar"la bu ilin yayında başa çatır.