Əlcəzair yığmasının yarımmüdafiəçisi Nabil Bentalebin yeni klubu bəlli olub. Corner.az xəbər verir ki, 27 yaşlı futbolçu Fransanın “Anje” klubuna transfer olunub.
Bentaleb Liqa 1 təmsilçisi ilə müddəti 2025-ci ilin yayına qədər olan müqavilə imzalayıb.
Bentaleb son olaraq Almaniyanın “Şalke” komandasında çıxış edib. O, Almaniya klubundan ayrılandan – 2021-ci ilin yayından bəri azad agent statusu daşıyırdı. Əlcəzairli yarımmüdafiəçi karyerası ərzində “Tottenhem” və “Nyukasl” klublarında çıxış edib. Əlcəzair yığmasında 35 matça çıxan futbolçu 5 qol vurub.
