İtaliyanın “Fiorentina” klubu heyətini yeni futbolçu ilə gücləndirib. Corner.az xəbər verir ki, Florensiya təmsilçisi Almaniyanın “Herta” klubunun hücumçusu Kşiştof Pyonteki transfer edib.
Bu barədə klubun rəsmi saytı məlumat yayıb. 26 yaşlı futbolçu satınalma şərti ilə bu mövsümün sonuna qədər icarəyə götürülüb. Polşalı futbolçu, yeni komandasında “19” nömrəli formanı geyinəcək.
Pyontek ötən ilin əvvəlində 24 milyon avro qarşılığında “Milan”dan “Herta”ya transfer olunmuşdu. O, bu mövsüm Bundesliqa təmsilçisində meydana çıxdığı 9 oyunda cəmi 1 qol vura bilib.
