"Qarabağ”ın Konfrans Liqasında rəqibi olan Marsel “Olimpik”i icarə əsasında bu komandada çıxış edən Pau Lopesin transfer hüquqlarını alıb.
Corner.az xəbər verir ki, bu barədə klubun mətbuat xidməti məlumat yayıb. Fransa təmsilçisi 27 yaşlı qapıçı ilə müddəti 2026-cı ilin yayına qədər olan müqavilə imzalayıb.
Marsel təmsilçisi ispan qolkiperin birdəfəlik transferi üçün paytaxt klubuna 12 milyon avro ödəyib.
Xatırladaq ki, “Olimpik” Pau Lopesi 2021-ci ilin yayında “Roma”dan icarəyə götürmüşdü.
