“Qarabağ”ın Konfrans Liqasının pley-off mərhələsində rəqibi olan Marsel “Olimpik”i heyətini yeni hücumçu ilə gücləndirməyə hazırlaşır. Corner.az xəbər verir ki, Fransa təmsilçisi son olaraq Çinin “Beytsin Qoan” klubunda çıxış edən Sedrik Bakambu ilə razılaşıb.
Bu barədə İtaliya mətbuatı məlumat yayıb. Məlumatda, 30 yaşlı hücumçunun yaxın zamanda Marselə gələrək, yeni klubu ilə rəsmi müqavilə imzalayacağı vurğulanıb.
Konqa əsilli fransalı futbolçu “Beytsin Qoan”dan əvvəl İspaniyada “Vilyarreal”, Türkiyədə “Bursaspor”, Fransada “Soşo” klubunda çıxış edib.
