"Çelsi” klubu futbolçusu Lyuis Beykeri satıb. Corner.az xəbər verir ki, 26 yaşlı yarımmüdafiəçi “Stok Siti” klubuna transfer olunub.
Bu barədə “zadəganlar”ın mətbuat xidməti məlumat yayıb. "Stok Siti" ingilis futbolçu ilə 2.5 illik müqavilə imzalayıb.
“Çelsi”nin yetirməsi olan Beyker 2014-cü ildən əsas komandada çıxış edib. Yarımmüdafiəçi “zadəganlar”la 8 ildə cəmi 2 dəfə rəsmi oyuna çıxıb.
Beyker İngiltərədə “MK Dons”, “Şeffild Uenzdey”, “Ridinq”, “Lids”, Almaniyada “Fortuna”, Türkiyədə “Trabzonspor”, Niderlandda “Vitess” kimi klublarda icarədə olub.
