Müqavilə ilə Yunanıstanın “Olimpiakos” klubuna məxsus olan, icarə əsasında “Neftçi”dən çıxış edən Mame Kane Azərbaycanı tərk edə bilər. Corner.az xəbər verir ki, “Olimpiakos” 25 yaşlı yarımmüdafiəçini Yunanıstanın bir klubuna icarəyə vermək istəyir. Bu barədə Yunanıstan mətbuatı məlumat yayıb.
Məlumatda, “Olimpiakos”un qvineyalı futbolçunu daha yaxından izləmək üçün onu yerli klublardan birinə icarəyə vermək niyyətində olduğu vurğulanıb.
Kanenin “Neftçi” ilə icarə müqaviləsi mövsümün sonuna qədər olsa da, “Olimpiakos” futbolçunu qışda geri qaytarmaq hüququna malikdir.
