İngiltərənin “Aston Villa” klubu heyətini daha bir futbolçu ilə gücləndirib. Corner.az xəbər verir ki, Premyer Liqa təmsilçisi “Roma”dan Robin Olseni icarəyə götürüb.
Bu barədə klubun mətbuat xidməti məlumat yayıb. 32 yaşlı qapıçı mövsümün sonuna qədər “Aston Villa”da çıxış edəcək.
İsveçli qolkiper mövsümün ilk hissəsini icarə əsasında İngiltərənin “Şeffild Yunayted” klubunda keçirib. O, Çempionşipdə 11 matça çıxıb.
