Türkiyənin “Göztəpə” klubu heyətini yeni futbolçu ilə gücləndirib. Corner.az xəbər verir ki, Super Liqa təmsilçisi Argentinanın “San Lorenso” klubundan Franko Di Santonu transfer edib.
Bu barədə klubun mətbuat xidməti məlumat yayıb. 32 yaşlı hücumçu ilə 1,5 illik müqavilə imzalanıb.
Argentinalı futbolçu karyerası ərzində İngiltərədə “Çelsi”, “Blekbern”, “Uiqan”, İspaniyada “Rayo Valyekano”, Almaniyada “Şalke” və “Verder”də çıxış edib. O, Argentina yığmasında 3 oyuna çıxıb.
