“Qarabağ”ın Avropa Konfrans Liqasının pley-off mərhələsindəki rəqibi - Marsel “Olimpik”i hücumçusu Dario Benedetto ilə yollarını ayırıb. Corner.az xəbər verir ki, bu barədə Fransa klubunun rəsmi saytı məlumat yayıb.
Argentinalı hücumçu ölkəsinin “Boka Xuniors” komandasına qayıdıb. Marsel təmsilçisi bu oyunçunu 2019-cu ildə məhz Argentina klubundan 14 milyon avroya transfer etmişdi. “Boka Xuniors” isə sabiq hücumçusunu geri qaytarmaq üçün "Olimpik"ə 3 milyon avro ödəyib.
Argentina millisinin sabiq üzvü 2016-2019-cu illər aralığında “Boka Xuniors”da çıxış edib.
“Qarabağ”la Marsel “Olimpik”i arasındakı ilk oyun fevralın 17-də Fransada, cavab matçı isə fevralın 24-də Bakıda baş tutacaq.
