Mançester Siti'dən argentinalı hücumçu üçün 16 milyon avro

“Mançester Siti” qış fasiləsində heyətini yeni hücumçu ilə gücləndirmək niyyətindədir.

Corner.az xəbər verir ki, “şəhərlilər” Argentinanın “River Pleyt” klubundan Xulian Alvaresi transfer etməyi planlaşdırır. Bu barədə “The Guardian” nəşri məlumat yayıb. Məlumatda, “Mançester Siti”nin 21 yaşlı hücumçu üçün Argentina klubuna 16 milyon avro təklif etdiyi vurğulanıb..

“Rivert Pleyt” “transfermarkt”da dəyəri 20 milyon avro olan Alvares üçün azı 26 milyon avro tələb edib.

Argentina yığmasına da dəvət alan Alvares “River Pleyt”də ümumilikdə 96 oyunda 36 qol vurub.