Sarridən Hazard etirafı: “Hazard getmək istəsə, onu ...”

“Chelsea”nin baş məşqçisi Maurizio Sarri, “Real Madrid”lə razılaşdığı iddia edilən futbolçusu Eden Hazard bağlı açıqlama verib.

Corner.az xəbər verir ki, İngiltərə Premyer Liqasının 33-cü turunda “West Ham” oyundan sonra jurnalistlərə açıqlama verən Sarri, Hazardı klubda saxlamaq istədiklərini deyib: “Klubun Hazardı satmaq istəmədiyindən əminəm. Ancaq Hazard getmək istəsə, onu saxlamaq çox çətin olacaq.Hazardı razı salmağa çalışacağıq, ancaq bu asan olmayacaq.Onun 100 milyon avroya transfer olacağını deyirlər.Mənim fikrimcə bu çox az məbləğdir. Transfer vaxtlarında daha çox məbləğlər gördük. Onun kimi bir futbolçu tapmaq çox çətindir”.

İspaniya və İngiltərə mətbuatı Hazardın “Real”la razılaşdığını və İspaniyada özünə ev axtarmağa getdiyini iddia edir.