"Mançester Siti” klubu heyətini yeni hücumçu ilə gücləndirib. Corner.az xəbər verir ki, “şəhərlilər” Argentinanın “River Pleyt” klubundan Xulian Alvaresi heyətinə qatıb.
Bu barədə İngiltərə mətbuatı məlumat yayıb. Məlumatda, “Mançester Siti”nin 21 yaşlı futbolçu üçün qarşı tərəfə 18 milyon avro ödədiyi bildirilib.
İngiltərə klubu argentinalı hücumçu ilə 5 illik müqavilə imzalayacaq. Alvares yaya qədər “River Pleyt”də icarədə çıxış edəcək.
Alvares “River Pleyt”də ümumilikdə 96 oyunda 36 qolla yadda qalıb.
