İngiltərənin “Hall Siti” komandasına yeni baş məşqçi bəlli olub. Corner.az xəbər verir ki, Çempionşip təmsilçisinin "sükan"ı Şota Arveladzeyə həvalə olunub.
Bu barədə klubun rəsmi saytı məlumat yayıb.48 yaşlı gürcüstanlı mütəxəssislə 2.5 illik müqavilə imzalanıb.
Arveladzenin son iş yeri Özbəkistanın “Paxtakor” klubu olub. Arveladze Daşkənd komandasına 2 dəfə ölkə çempionluğu və kubokunu qazandırıb. Şota Arveladze Türkiyədə “Trabzonspor”, “Kayserispor” və “Kasımpaşa”nı da çalışdırıb.
“Hall Siti” Çempionşipdə mübarizə aparır. Komanda 27 oyundan sonra 19-cu pillədə qərarlaşıb. Klub türkiyəli iş adamı Acun Ilıcalıya məxsusdur. O, bir neçə həftə öncə bu klubu alandan bəri baş məşqçi postunda dəyişiklik gözlənilirdi.
