Qalatasaray'ın sabiq futbolçusu Beşiktaş'da

Türkiyənin "Beşiktaş" klubu Portuqaliyanın "Benfika" klubunun futbolçusu Jedson Fernandeşi heyətinə qatıb.

Corner.az "NTV Spor"a istinadən xəbər verir ki, İstanbul təmsilçisi 23 yaşlı yarımmüdafiəçi ilə 4+1 illik müqavilə imzalayacaq.

"Qara qartallar" oyunçunun növbəti satışından əldə olunan gəlirin 50 faizini Portuqaliya təmsilçisinə verəcək. Fernandeşin illik maaşı 1,3 milyon avro olacaq.

Portuqaliyalı futbolçu mövsümün sonunadək başqa kluba icarəyə veriləcək.

Qeyd edək ki, Jedson Fernandeş 2021-ci ildə icarə əsasında "Qalatasaray"ın formasını geyinib. "Sarı-qırmızılar"ın onu yenidən icarəyə götürməsi gündəmdi idi.