Obameyanq rəsmən Barselona'da

İspaniyanın "Barselona" klubu "Arsenal"ın hücumçusu Pyer-Emerik Obameyanqı heyətinə qatıb.

Corner.az klubun rəsmi saytına istinadən xəbər verir ki, qabonlu futbolçu ilə 2025-ci ilin yayınadək müqavilə imzalanıb.

Anlaşmaya əsasən, tərəflər 2023-cü ildə sözləşməyə qarşılıqlı razılıq əsasında xitam verə bilərlər. Klub 32 yaşlı futbolçuya 100 milyon avro təzminat qiyməti qoyub.

Obameyanq ötən ilin dekabrında intizamsızlığına görə London təmsilçisinin əsas komandasından kənarlaşdırılıb, həmçinin ondan kapitanlıq sarğısı alınıb.

Qeyd edək ki, bu mövsüm "Arsenal"da 14 oyun keçirmiş Pyer-Emerik Obameyanq 4 qol və 1 məhsuldar ötürmə ilə yadda qalıb.