Azərbaycan milli komandasının keçmiş baş məşqçisi Robet Prosineçki Xorvatiyanın “Dinamo” klubuna keçən Mahir Emreli haqda danışıb. Corner.az “sportklub.hr” saytına istinadən xəbər verir ki, 53 yaşlı mütəxəssis, Azərbaycan millisinin üzvü haqda bunları söyləyib:
“Bakıda yaşadığım vaxt bütün matçlara baxırdım və onu yığmaya mən çağırmışdım. Çünki yaxşı potensiala malik olduğunu görürdüm.
Emreli yarımmüdafiəçi olsa da, qol şansı qazanır və yararlanmağı bacarır. Futbolda elə gənc futbolçular olur ki, ya karyeraları yüksək səviyyədə alınır, ya da ortalıqdan itirlər”.
