Son 10 ildə transferlərə ən çox pul xərcləyən Avropa klubu bilindi

Beynəlxalq İdman Araşdırmalar Mərkəzi (CIES) son 10 ildə Avropanın top-5 liqalarında transferlərə ən çox pul xərcləyən klubların adlarını açıqlayıb.

Corner.az CIES-in rəsmi saytına istinadən xəbər verir ki, İngiltərənin "Mançester Siti" klubu oyunçu keçidləri üçün 1 699 000 000 avro xərcləyib. "Şəhərlilər"in transferlərdən gəlirləri 715 000 000 olub.

İspaniyanın "Barselona" klubu ikinci sırada qərarlaşıb. Kataloniya təmsilçisi 1 630 000 000 avro xərcləyibsə, 980 000 000 qazanıb.

İlk "3-lüy"ü İngiltərənin "Çelsi" klubu qapayır. "Zadəganlar" son 10 ildə futbolçu alışına 1 614 000 000 avro ödəyib, 1 201 000 000 avro gəlir əldə edib.