İtaliyanın “Verona” klubu futbolçusu Nikola Kaliniçlə yollarını ayırıb. Corner.az xəbər verir ki, bu barədə A Seriyası təmsilçisinin mətbuat xidməti məlumat yayıb. Kaliniçin müqaviləsinə qarşılıqlı razılaşma əsasında xitam verilib.
34 yaşlı hücumçunun yeni klubu artıq məlum olub. O, karyerasını öz ölkəsində davam etdirəcək. Kaliniç 13 il sonra sabiq komandası “Hayduk” klubuna keçib.
Kaliniç daha əvvəl İspaniyada “Atletiko”, İtaliyada “Fiorentina”, “Milan” kimi klublarda çıxış edib. O, Xorvatiya yığmasında 42 oyunda 15 qol vurub.
