“İnter” klubunda Mourinhonun dönüşü ilə bağlı fikir ayrılığı yaranıb

İtaliyanın “İnter” klubunda Jose Mourinhonun baş məşqçi postuna dönüşü ilə bağlı fikir ayrığı yaranıb.

Corner.az “Le10sport” portalına istinadən xəbər verir ki, Milan təmsilçisinin prezidenti Stiven Çjan 57 yaşlı portuqaliyalı mütəxəssisin komandaya əvvəlki şöhrətini qaytaracağına inanır. “İnter”in baş direktoru Cüzeppe Marotta isə baş məşqçi postuna italiyalı Antonio Contenin dəvət olunmasının tərəfdarıdır.

“İnter” A seriyasında 31 turdan sonra 57 xalla 3-cü pillədə qərarlaşıb. Klub rəhbərliyi mövsümün sonunda baş məşqçi Luciano Spalettini istefaya göndərməyi planlaşdırır.

Qeyd edək ki, Mourinho “İnter”in baş məşqçi postunda 2008 - 2010-cu illərdə çalışıb.Əlavə edək ki, komanda onun rəhbərliyi altında ilk mövsümdə İtaliya çempionu olub. O həmçinin 2010-cu ildə Milan təmsilçisi ilə UEFA Çempionlar Liqasını da qazanıb.