Runi: 40 futbolçuya ehtiyacımız var

İngiltərə Çempionşipində mübarizə aparan “Derbi Kaunti”nin baş məşqçisi Ueyn Runi yay transfer dövründə əsas və U-23 komandasına ümumilikdə 40 futbolçu transfer etməli olduqlarını bildirib.

Corner.az İngiltərə mətbuatına istinadən xəbər verir ki, bu mövsüm maliyyə problemləri səbəbindən 21 xalı silinən “Derbi Kaunti” Çempionşipin son turunda səfərdə “Midlsbro”ya 1:4 hesabı ilə məğlub olub. Bu qələbə ilə “Midlsbro” xalını 49-a yüksəldib, “Derbi Kaunti” isə 18 xalda qalıb.

Runi məğlubiyyətdən sonra yaşadıqları maliyyə problemlərindən şikayətlənib:

“Komandanın yeni sahiblərə və onların dəstəyinə ehtiyacı var. Yay transfer müddəti üçün planımız var. Əsas və U-23 komandasına 40 oyunçu transfer etməliyik. Bu, böyük bir işdir. Burada oturub Lionel Messini də istədiyimi deyə bilərəm. Amma mənə lazım olan odur ki, kimsə gəlib bizə real büdcə versin.”