Murad Musayev Krasnodar'a qayıdır? - AÇIQLAMA

"Sabah" klubunun baş məşqçisi Murad Musayev yenidən Rusiya "Krasnodar"ının sükanı arxasına keçəcəyinə dair iddialara münasibət bildirib.

Corner.az-ın məlumatına görə, 39 yaşlı mütəxəssis "sports.ru"ya açıqlamasında keçmiş klubunun onun mümkün qayıdışını nəzərdən keçirməsi iddialarının doğru olmadığını bildirib.

"Klub çətin vəziyyətə düşüb. "Krasnodar"a güc və uğur arzulayıram", - deyə o, vurğulayıb.

Qeyd edək ki, Murad Musayev 2017 - 2021-ci illərdə "Krasnodar"ın baş məşqçisi olub. Bu komandanı bir neçə gün əvvəl almaniyalı Daniel Farke köməkçiləri ilə birlikdə tərk edib. Baş məşqçi səlahiyyətlərinin icrasını Aleksey Antonyuk yerinə yetirir. "Krasnodar" Premyer Liqada 18 oyundan 29 xalla 6-ı yerdə gedir.