Barselona'nın ulduz futbolçusu üçün İngiltərə variantı

"Barselona" klubunun hücumçusu Memfis Depay karyerasını İngiltərə Premyer Liqasında davam etdirə bilər.

Corner.az "Mundo Deportivo" nəşrinə istinadən xəbər verir ki, "Tottenhem" klubu 28 yaşlı futbolçunu yay transferi zamanı heyətinə qatmaq istəyir. Niderlandlı futbolçunun özünün də London klubunda çıxış etmək niyyətində olduğu bildirilir. Xavinin də bu transferə mane olmayacağı vurğulanıb.

Qeyd edək ki, Depay "Olimpik Lion"dan  "Barselona"ya transfer olunun. O, bu mövsüm İspaniya La Liqasında 20 matça çıxıb, 10 qol və 2 məhsuldar ötürmə ilə yadda qalıb.