FİFA futbolçuların icarəyə verilməsi ilə bağlı yeni qaydaları təsdiqləyib. Corner.az xəbər verir ki, yeni reqlamentə görə, bundan sonra oyunçu üçün minimum icarə müddəti iki transfer pəncərəsi arasındakı dövr olacaq və maksimum müddət bir il təşkil edəcək.
Bundan əlavə, icarədə olan oyunçunu yenidən eyni şərtlərlə heyətə qatmaq isə mümkün olmayacaq.
FİFA həmçinin öz aralarında oyunçu mübadiləsi aparan klublara bunu üç dəfədən artıq etməyə qadağa qoyub. Artıq heç bir klub başqa komandaya 3-dən çox oyunçunu icarəyə verə və eyni sayda futbolçunu ala bilməz.
Qərar 2022-ci il iyulun 1-dən qüvvəyə minəcək. Yeni qaydalar yaşı 21-dən aşağı olan futbolçulara, eləcə də klubun öz yetirmələrinə şamil edilmir.
