Norveçin “Volerenqa” klubunun idman direktoru Yorgen İngebriqtsen “Qarabağ”ın futbolçusu İbrahima Vadjini transfer edəcəkləri ilə bağlı yayılan xəbərlərə aydınlıq gətirib. Corner.az xəbər verir ki, klub rəsmisi yerli mətbuata müsahibəsində 27 yaşlı hücumçunun xidmətində maraqlı olmadıqlarını bildirib.
O, ötən yay belə bir fikirlərinin olduğunu bildirsə də, hazırda ümumiyyətlə ön xətt oyunçusu almağı planlaşdırmadıqlarını vurğulayıb.
İbrahima Vadji “Qarabağ”a cari mövsümün əvvəlində Norveçin “Hauqesund” komandasından keçib. Seneqallı futbolçu Ağdam təmsilçisi ilə 3 illik müqavilə imzalayıb.
