“Barselona”nın futbolçusu Ronald Arauxo komandada qalmaq istəyir. Corner.az AS nəşrinə istinadən xəbər verir ki, 23 yaşlı müdafiəçi Kataloniya təmsilçisində qalmaq istədiyini söyləyib.
Uruqvaylı futbolçu, agentinin gələn il başa çatacaq müqavilənin uzadılması üzərində danışıqlar apardığını bildirib:
“Burada olmaqdan çox şadam. Artıq müqaviləni yeniləmək üzərində işləyirik və bu həftə rəhbərliklə görüşəcəyik. Ümid edirəm ki, yaxın vaxtlarda müsbət qərar veriləcək. Çünki burada qalmaq istəyirəm”.
Arauxo 2019-cu ildən “Barselona”da əsas komandasında çıxış edir.
