Marcelo gedir yoxsa qalır?

Mövsümün sonunda “Real Madrid”dən ayrılacağı iddia olunan Marcelo açıqlama verib.

Corner.az İspaniya mətbuatına istinadən xəbər verir ki, 30 yaşlı futbolçu, “Madrid klubu”nda xoşbəxt olduğunu deyib: “Real”dan ayrılmaq? Bu mövzu haqqında danışmağa ehtiyac yoxdur. “Real” mənim evimdir. Bu forma üçün sona qədər tərləməli və bu loqonu dünyanın zirvəsində tutmalıyıq. Oynamadığım matçlarda belə, komanda yoldaşlarımı dəstəkləmişəm. Bu formanı geyinəndə nə qədər xoşbəxt olduğumu hər kəs bilir”.

Qeyd edək ki, brazilyalı futbolçu, bu mövsüm iştirak etdiyi 30 oyunda 3 qol, 6 məhsuldar ötürmə ilə yadda qalıb.