İngiltərənin “Liverpul” klubu hücumçusu Sadio Maneyə yeni müqavilə təklif edib. Corner.az İngiltərə mətbuatına istinadən xəbər verir ki, Mersisayd təmsilçisi 30 yaşlı futbolçuya 2025-ci ilin yayına qədər nəzərdə tutulan yeni müqavilə və ilinə 12,5 milyon avro təklif edib.
Mane'nin hazırkı müqaviləsi gələn mövsümün sonunda başa çatacaq.
O, 2016-cı ildə “Sauthempton”dan 41,2 milyon avroya “Liverpul”a keçib. Təcrübəli futbolçu, bu mövsüm 41 oyun keçirib və 18 qol vurub, 2 məhsuldar ötürmə edib.
