Almaniyanın “Bavariya” klubunun idman direktoru Hasan Salihamdciç komandanın hücumçusu Robert Levandovskinin gələcəyi haqda açıqlama verib. Corner.az Almaniya mətbuatına istinadən xəbər verir ki, klub rəsmisi 33 yaşlı futbolçunu “Barselona”ya satmayacaqlarını bildirib:
“Barselona” 40-50 milyon avro təklif etsə belə, Levandovskini satmayacağıq. Onun komandada qalması üçün əlimizdən gələn hər şeyi artıqlaması ilə edəcəyik. Onun bizimlə hələ 1 illik müqaviləsi var”.
“Barselona”nın polşalı futbolçu ilə yaxından maraqlandığı bildirilir.
Levandovski cari mövsümdə 31 matçda 33 qol vurub və 3 məhsuldar ötürmə edib.