“Bavariya” hücumçusu Tomas Müllerlə yeni müqavilə imzalayıb. Corner.az xəbər verir ki, bu barədə Bundesliqa klubunun mətbuat xidməti məlumat yayıb.
32 yaşlı futbolçu ilə yeni müqavilə 2024-cü ilə qədər nəzərdə tutulub.
Müller “Bavariya”nın yetirməsidir. Onun klubla əvvəlki müqaviləsi 2023-cü ildə başa çatırdı.
Müller bu mövsüm Almaniya Bundesliqasında 30 oyuna çıxıb, 7 qol vurub və 20 məhsuldar ötürmə edib.
“Bavariya” bu mövsüm ardıcıl 10-cu dəfə Almaniya çempionu olub.
