Real Kurtuaya əvəzləyici tapdı

İtaliyanın “Napoli” klubunun qapıçısı David Ospina karyerasını İspaniyada davam etdirə bilər.

Corner.az "Marca"ya istinadən xəbər verir ki,  "Real Madrid" 33 yaşlı qolkiperi transfer etmək niyyətindədir. Madrid klubu kolumbiyalı qolkiperi Tibo Kurtuanın əvəzləyicisi kimi nəzərdən keçirir.

Ospina 2018-ci ildən “Napoli”də çıxış edir. O, Napoli komandasının heyətində 103 matçda 96 qol buraxıb və 39 oyunda qapısını toxunulmaz saxlayıb. Onun klubu ilə müqaviləsi mövsümün sonunda başa çatır.

Ospina əvvəllər “Arsenal”, “Nitsa” və ölkəsinin “Atletiko Nasional” klublarında da çıxış edib