“Qarabağ”ın futbolçusu Kevin Medina Türkiyədən təklif alsa da, seçimini Ağdam klubundan yana edib. Corner.az xəbər verir ki, bunu bu gün jurnalistlərlə görüşündə “köhlən atlar”ın baş məşqçisi Qurban Qurbanov açıqlayıb.
Qurbanov bildirib ki, kolumbiyalı müdafiəçi Türkiyədən təklif alsa da, özü Azərbaycanda qalmaq istəyib.
Kevin Medina 2020-ci ildən “Qarabağ”ın formasını geyinir. Onunla yaxınlarda 2025-ci ilədək nəzərdə tutulan yeni müqavilə imzalanıb.
