"Real”ın baş məşqçisi Karlo Ançelotti İskonun mövsümün sonunda komandadan ayrılacağı barədə məlumatlara aydınlıq gətirib. Corner.az xəbər verir ki, italyan mütəxəssis, İspaniya çempionatının 38-ci turunun “Betis”lə oyunundan (0:0) sonra onun Madrid təmsilçisindən gedəcəyini təsdiqləyib:
“İskonun “Real”dakı karyerası başa çatıb və məncə bu, əla karyera idi”.
İsko 2013-cü ilin iyulunda “kral klubun"da top qovur. O, 2021/22 mövsümündə komandanın heyətində 17 oyunda 2 qol vurub. 30 yaşlı ispaniyalı futbolçunun “Real”la müqaviləsi bu ilin iyun ayının sonuna qədərdir.
Xatırladaq ki, İskodan öncə Qaret Beylin də “Real”dan ayrılacağı təsdiqlənmişdi.
