Azərbaycan çempionu Bolqarıstan klubundan ayrıldı

"Neftçi" klubunun sabiq futbolçusu Ahmed Ahmedov Bolqarıstan ÇSKA Sofiya klubu ilə yollarını ayırıb.

Corner.az xəbər verir ki, 27 yaşlı hücumçu bu barədə "İnstaqram" hesabında yazıb.

Bolqarıstanlı futbolçu iki il ölkənin ən titullu klubunda çıxış etdiyini vurğulayaraq, ona dəstək olan hər kəsə təşəkkür edib və komandaya uğurlar arzulayıb.

Qeyd edək ki, Ahmed Ahmedov 2020-ci ildən Bolqarıstan  klubunun formasını geyinib. O, 2020/2021 mövsümünün ikinci yarısında icarə əsasında "Neftçi"də çıxış edib və "ağ-qaralar"la ölkə çempionu adını qazanıb. Hücumçu sonuncu - XXVIII turda "Qarabağ"la qarşılaşmada komandaya qələbə qazandıran yeganə qolun müəllifi olub.