“Barselona”nın prezidenti Xuan Laporta bu yay üçün planlaşdırılan transferlərin çətinliklərindən şikayətlənib. Corner.az İspaniya mətbuatına istinadən xəbər verir ki, 59 yaşlı funksioner, La Liqada qaydaların sərtliyindən narazı olduğunu bildirib:
“Biz mümkün olan hər şeyi edirik, lakin çətinliklər var. La Liqa rəhbərliyi bizə o qədər də kömək etmir. La Liqada maliyyə qaydaları digər çempionatlarla müqayisədə çox sərtdir. Və biz bu maneəni dəf etməliyik”.
“Barselona” 2021/22 mövsümündə La Liqanı ikinci pillədə başa vurub.
