"Real”ın müdafiəçisi Marselo bu yay komandadan ayrılacaq. Corner.az xəbər verir ki, bu barədə braziliyalı futbolçu özü məlumat verib.
34 yaşlı futbolçu Çempionlar Liqasının finalında “Liverpul”a 1:0 hesabı ilə qalib gəldikləri oyundan sonra jurnalistlərə son matçı olduğunu bildirib: “Bəli, bu, mənim “Real”da son matçım idi”.
Xatırladaq ki, braziliyalı oyunçu 2007-ci ildən Madrid təmsilçisində oynayır. Onun klubla müqaviləsinin müddəti bu ilin iyununa qədərdir.
“Real”da Marselodan öncə Qaret Beyl və İskonun komandadan ayrılacağı dəqiqləşmişdi.