Mane Bundesliqa nəhənginə keçir

İngiltərənin "Liverpul" klubunun hücumçusu Sadio Mane karyerasını Almaniyada davam etdirə bilər.

Corner.az-ın xarici mətbuata istinadən məlumatına görə, "Bavariya" klubu seneqallı futbolçu ilə anlaşıb. Manenin Çempionlar Liqasının final matçından sonra komanda yoldaşları ilə vidalaşdığı da bildirilir. Münhen təmsilçisinin 30 yaşlı futbolçu üçün İngiltərə klubuna 30 milyon avro ödəyəcəyi vurğulanıb.

Bildirək ki, Mane bu mövsüm Mersisayd təmsilçisində 50 oyuna çıxıb, 23 qol vurub və 5 ötürmə ilə yadda qalıb.