"Real”ın yarımmüdafiəçisi Luka Modriç Madrid klubundakı gələcəyi ilə bağlı sualı cavablandırıb. Corner.az İspaniya mətbuatına istinadən xəbər verir ki, 36 yaşlı futbolçu qarşıdakı mövsümdə də “kral klubu”nun uğurları üçün çalışacağını bildirib:
“Bəli! Gələn mövsüm burada görüşənədək”.
Bildirək ki, daha əvvəl xorvatiyalı futbolçu ilə “Real” arasında müqavilənin uzadılması ilə bağlı şifahi razılığın iki ay əvvəl əldə edildiyi, hazırda lazımi sənədlərin imzalandığı xəbərləri yayılmışdı.
Modriç ötən mövsüm “Real”ın heyətində 45 oyunda 3 qol vurub və 12 məhsuldar ötürmə edib.
