Fransa milli komandasının futbolçusu Pol Poqba “Mançester Yunayted”lə yollarını ayırıb. Corner.az klubun rəsmi saytına istinadən məlumatına görə, 29 yaşlı yarımmüdafiəçinin iyunun sonlarında başa çatacaq müqaviləsi uzadılmayıb.
O, komandanı azad agent qismində tərk edəcək.
Qeyd edək ki, Pol Poqba "Mançester Yunayted" formasını ilk dəfə 2009 - 2012-ci illərdə geyinib. Daha sonra İtaliya "Yuventus"una keçən orta sahə oyunçusu 2016-cı ildə "qırmızı şeytanlar"a 105 milyon avroya transfer olunub. O, İngiltərə klubunda 233 oyuna 39 qol və 51 məhsuldar ötürmə ilə yadda qalıb.
