Futbol üzrə Azərbaycan yığmasının hücumçusu Ağabala Ramazanovun yeni klubu müəyyənləşib. Corner.az xəbər verir ki, 29 yaşlı futbolçu “Səbail”ə keçib.
O, qardaşı Zaur Ramazanovun yenicə məşqçi təyin olunduğu klubun uğurları üçün çalışmağa qərar verib. Bu məlumatı Zaur Ramazanov da təsdiqləyib.
Xatırladaq ki, Ağabala 2018/2019 mövsümündə də "Səbail"in formasını geyinib. O, 2020-ci ildən "Zirə"də çıxış edirdi.(matc)
