Antonio Rüdiger rəsmən Real'da

İngiltərənin "Çelsi" klubundan ayrılan futbolçusu Antonio Rüdiger İspaniya "Real Madrid"inə keçib.

Corner.az-ın klubun rəsmi saytına istinadən məlumatına görə, "kral klubu" azad agent statuslu almaniyalı müdafiəçi ilə 4 illik müqavilə imzalayıb. Onun təqdimatı iyunun 20-də olacaq.

Rüdiger Madrid klubunun yay transfer dövründə ilk transferi olub. 29 yaşlı oyunçunu heyətinə qatmaq istəyən klub 400 milyon avrosundan keçməli olacaq.

Qeyd edək ki, bu mövsüm Antonio Rüdiger "Çelsi"nin 31 oyununda 3 qol və 2 məhsuldar ötürmə müəllifi olub. "Real Madrid" isə İspaniya La Liqasının və Çempionlar Liqasının qalibi adını qazanıb.