Futbol üzrə Kolumbiya millisinin yeni baş məşqçisi müəyyənləşib. Corner.az xəbər verir ki, sözügedən komandanın "sükan"ı Nestor Lorensoya tapşırılacaq.
Bu barədə Kolumbiya Futbol Federasiyasının rəsmi saytı məlumat yayıb. Argentinalı mütəxəssislə dörd illik müqavilə imzalanıb. O, komandanı 2026-cı ildə keçiriləcək dünya çempionatına aparmalıdır.
Xatırladaq ki, 56 yaşlı mütəxəssis 2012-2019-cu illərdə Kolumbiya millisinin məşqçilər korpusunda yer alıb.
