"Real”ın hücumçusu Vinisius Junior La Liqanın ən bahalı oyunçusu seçilib. Corner.az xəbər verir ki, bu barədə “transfermarkt” statistik platforması məlumat yayıb.
Platformanın yenilənmiş siyahısında 21 yaşlı braziliyalı futbolçunun transfer dəyəri 100 milyon avroya çatıb.
“Barselona”nın yarımmüdafiəçisi Pedri isə 80 milyon avroluq transfer qiyməti ilə ikinci yerdədir.
İlk üçlüyü “Real”ın yarımmüdafiəçisi Federiko Valverde və “Atletiko”nun hücumçusu Joao Feliks tamamlayır. Bu iki futbolçunun qiyməti 70 milyon avrodur.
Vinisiuslu “Real” son mövsümdə İspaniya çempionu olmaqla yanaşı, UEFA Çempionlar Liqasının da qalibi olub.
