İngiltərənin “Lids” klubu heyətinə yeni futbolçu cəlb edib. Corner.az xəbər verir ki, Premyer Liqa təmsilçisi Avstriyanın “Zalsburq” klubunun müdafiəçisi Rasmus Kristenseni transfer edib.
Bu barədə klubun rəsmi saytı məlumat yayıb.
24 yaşlı futbolçu ilə 5 illik müqavilə imzalanıb. İngiltərə klubu Danimarka yığmasının üzvü üçün 10 milyon avroya ödədiyi iddia olunur.
Kristensen geridə qalan mövsümdə “Zalsburq”un heyətində 44 oyuna çıxıb, 10 qol vurub, 8 məhsuldar ötürmə müəllifi olub. O, Danimarka yığmasında 6 oyun keçirib. Müdafiəçi daha öncə Danimarkanın “Midtyulland” və Niderlandın “Ayaks” klublarında da çıxış edib.
